Telekomit nuk ia panë ‘hajrin’ vetëm këngëtarët.

Edhe humoristët në Kosovë morën para të majme nga kjo ndërmarrje.

Grupit prej tre aktorëve të njohur si ‘Stupcat’ iu ndan 7 mijë euro për të realizuar skeqe humoristike për Vitin e Ri.

Në dokumentin e siguruar nga arbresh.info thuhet se sponsorizimi është kryer në dhjetor të 2014-ës.

Edhe kolegut të tyre aktorit, Naser Rafuna iu nda një shumë e parave për të realizuar dy skeqe. Në të njëjtin dokument thuhet se bëhet fjalë për ‘Ujqit’ ndërsa është sponsorizuar me 2 mijë e 500 euro.

Pagesa është kryer në tetor të 2018-ës.

Ndërsa me gjysmën e kësaj shumë janë sponsorizuar kolegët e tjerë të humorit të njohur si ‘Tukulukat’. Ata kanë marrë 1 mijë e 300 euro.

Arbresh.info ka siguruar listën e plotë të shpenzimeve dhe sponsorizimeve të Postës dhe Telekomit të Kosovës ndër vite.

Deri tani ka raportuar për mijëra euro të ndara për këngëtarë të muzikës popullore e zbavitëse Kësaj liste i është bashkuar edhe një sallon bukurie ndërsa në vazhdim do të bëhen publike edhe shpenzimet tjera./Arbresh.info/

https://www.facebook.com/arbresh.info/videos/1209998445873485/